Русская Православная Церковь
Московский Патриархат, Алтайская Митрополия
Барнаульская Епархия

Новости

Версия для печати

28 ноября Святая Церковь воспоминает память Преподобного Паисия Величковского

27.11.2017

28 ноября Святая Церковь воспоминает память Преподобного Паисия Величковского.

Тропарь преподобному Паисию Величковскому, глас 2

Странен быв на земли, / Небеснаго Отечества достигл еси / преподобне отче Паисие, / добротолюбия подвижниче, / верных научил ум к Богу возводити / и сердцем к Нему взывати: Господи Иисусе Христе, Сыне Божий, // помилуй мя, грешнаго.

Кондак преподобному Паисию Величковскому, глас 8

Избранный иноческаго жития ревнителю,/ яко пчела многотрудная писаньми отеческими души наша снабдил еси,/ коегождо наставляя на путь спасения, сего ради зовем ти // радуйся, Паисие премудре, старчества духовнаго в стране нашей возродителю.

Молитва преподобному старцу Паисию Величковскому

О великий наставниче, ревнителю и учителю премудрый всех чающих спасения и подвига духовнаго, преподобне отче наш Паисие! Услыши нас, грешных, тебе верою и любовию призывающих, и вонми прошением нашим. Ты от юности любве ради Божия оставил еси отечество твое и в иных странах безмолвия ища, во Святей Горе Афонстей и обителех иноческих Молдовлахии небесное богатство стяжал еси. Ты великим воздержанием, в трудех, теснотах и крайнем лишении плоть твою духови покорив, стяжал еси сокрушение сердечное, трезвение, истинное безстрастие, молитву сердечную и сим обновитель древняго иночества и столп Православия показался еси; темже десница Божия учителя, наставника и чадолюбиваго отца возведе тя и благоволи собрати священный вертоград ученик твоих, иже простре отрасли своя во вся концы Российския земли.

Умоли всещедраго Бога, да сохранит святую Церковь Русскую и вся святыя Церкви Православныя в союзе единомыслия веры, мира и братския любве, паче же от расколов пагубных, междоусобных нестроений и сеющих раздоры избавит и в непоколебимем благостоянии утвердит, во спасение всех истинно исповедающих пресвятое имя Его. Испроси, угодниче Божий, отечеству и народу нашему мира и благоденствия, изобилия плодов земных и благоустроения весей и градов наших, обителем же иноческим жития богоугоднаго, да славится в них пресвятое имя Господа и Бога и обретают в них вечное спасение любящия Его.

Помози нам, в суетнем и грешнем мире сем странствующим, отче преподобне, и умоли Господа даровати нам оставление всех прегрешений и во исходе душ наших избавити нас воздушных мытарств и вечнаго мучения, да молитвами твоими, узревше неизреченную славу Христа Бога нашего, возблагодарим тя, заступника и предстателя за всех любящих и чтущих имя твое, и прославим Безначальную Единосущную и Нераздельную Троицу, Отца, и Сына, и Святаго Духа, ныне, и присно, и во веки веков. Аминь.



Код вставки видеосюжета на Ваш сайт

Все новости раздела




Другие новости раздела:

15 февраля 2019 года, в праздник Сретения Господня, Благочинный Барнаульского городского округа протоиерей Андрей Басов совершил Божественную литургию в Александро-Невском Соборе. В праздник Сретения Господня традиционно отмечается также День ...
10 февраля в Александро-Невском Соборе митрополит Барнаульский и Алтайский Сергий совершил вечернее богослужение с чтением акафиста святому благоверному князю Александру Невскому. Его Высокопреосвященству сослужил Благочинный Барнаульского ...
19 января 2019 года, в праздник Святого Богоявления — Крещения Господа Бога и Спаса нашего Иисуса Христа, протоиерей Андрей Басов совершил Божественную литургию свт. Иоанна Златоуста и чин великого освящения воды в Александро-Невском ...
18 января 2019 года, в навечерие Богоявления (Крещенский сочельник), Митрополит Сергий совершил Божественную литургию св. Василия Великого в  Александро-Невском Соборе. Его Высокопреосвященству сослужили: Благочинный Барнаульского ...